黑椒洋蔥薯仔牛柳粒

小魔怪買咗大蝦、牛扒和牛柳粒返嚟都有幾日，

終於等到佢留係屋企食飯喇!

昨晚就煮咗呢碟黑椒洋蔥薯仔牛柳粒，

方便佢帶飯返公司食呀!

今次試新鑊，

新屎坑咩都覺得好用呀!

材料: 牛柳粒1包、薯仔1個、洋蔥半個、蒜蓉、黑胡椒碎

醃料: 蠔油1湯匙、豉油1湯匙、糖1茶匙、黑胡椒碎、生粉1茶匙、

水1湯匙、生油少許

調味: 蠔油1湯匙、豉油半湯匙、老抽半湯匙、糖1.5茶匙、水4湯匙

做法: 牛柳粒解凍後，用廚紙印乾水份，落醃料醃30分鐘；洋蔥切片；

薯仔去皮切粒，浸鹽水30分鐘，隔去水份後，放入氣炸鍋內氣炸15分鐘；

燒熱油鑊落牛柳粒略至四面轉色後上碟；

原鑊落少許油，炒洋蔥和蒜蓉至轉色，加入調味煮滾後，落牛柳粒煮至汁濃，

最後加埋薯仔粒炒勻後，上碟後灑上黑胡椒碎便成。

~今次冇落油炸薯仔粒，改咗用氣炸鍋，食落冇咁多油，

但冇油炸咁脆口呀!

~由於方便小魔怪帶飯，所以煮多咗D黑椒汁，

唔想要咁多汁，就要炒乾身少少啦!

     

 大家可以入嚟Facebook讚下我新開嘅Fans專頁呀!

 雀后(添飯)Facebook Fan Page