今日冇買餸，
摷下雪櫃有咩物資先得；
簡單煮咗碟黑椒豬扒，
炒多碟菜，
仲有小魔怪至愛嘅煎燶邊蛋，
開飯囉!
材料: 梅頭豬扒3件、三色椒1/3個、蒜蓉、生粉水、黑胡椒碎適量
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 蠔油1湯匙、豉油大半湯匙、老抽大半湯匙、糖1茶匙、黑胡椒碎
做法: 梅頭豬扒解凍後，用刀背略剁兩面後切件醃1小時；三色椒切片；
燒熱鑊落油將豬扒煎至熟後放在鑊邊旁，用煎豬扒油爆香蒜蓉和三色椒，
將豬扒、調味和水6湯匙煮至汁濃後，落生粉水埋芡汁，
上碟後灑上少許黑胡椒碎便成。
大家可以入嚟Facebook讚下我新開嘅Fans專頁呀!
家庭主婦...最好就是功夫少少...但可煮到餐飯, 而家人又欣賞 & 食清光, 唔使有隔夜餸.
回覆刪除其實我好欣賞你呀雀后...煮飯又寫BLOG 分享, 我就無咁嘅心機嘞!
買餸,抬5斤10斤回家, 又洗又切又去皮..熱辣辣火光熊熊又煮...煮完又洗...散晒 !
好彩我家人食嘢好簡單，我煮咩佢哋就食咩，唔使煮得太複雜呀!
刪除仲有係我負責煮飯，老公負責洗碗，咁我就輕鬆好多呀! ^.^
香港呢幾日落咁大雨，落街買餸好唔方便呢。
回覆刪除今日落街買菜，行雷閃電兼落大雨，攪到我成身濕哂呀!@@"
刪除