今日，
一時衝動係街市買咗舊二八肥腩肉，
整咗呢碟剁咗20分鐘嘅梅菜豬肉餅；
想個肉餅好食，
一定要用手同佢哋做massage，
同埋一邊做massage，
一邊餵佢哋飲水，
咁個肉餅先會好滑架啦!
材料: 半肥瘦腩肉$40、梅菜適量、水3湯匙
醃料: 豉油1湯匙、鹽半茶匙、糖1茶匙、胡椒粉適量、
生粉1茶匙、麻油少許
做法: 梅菜浸30分鐘後，沖洗乾淨切粒；半肥瘦豬肉切片後切粒；
將梅菜和豬肉混合用刀剁成肉餅後放入大碗內，
用手將豬肉不斷攪拌及撻豬肉7~8次左右，
撻和攪豬肉期間，分3次加入水(每次1湯匙)，
撻到豬肉起膠後，加入調味醃30分鐘；
燒熱水放入梅菜豬肉餅用大火蒸15分鐘便成。
~蒸肉餅嘅肉，用半肥瘦豬肉就最啱喇，咁個肉餅先至好食架!
今次我用咗二肥八瘦嘅腩肉嚟剁肉餅，食落仲有咬口嘅肉筋，
唔會用機攪嘅肉碎咁散呀!
~肉餅汁係精華，千祈唔好倒掉，只要蒸好肉餅待一陣，
肉餅係會吸收番自己的肉汁架!
大家可以入嚟Facebook讚下我新開嘅Fans專頁呀!
剁到手軟，但好食啲。
回覆刪除係，自家剁比機器攪出嚟嘅肉，真係好食百倍架!
刪除手刴肉係好食好多。 不過我太懶。
回覆刪除我都懶架，所以一年都整唔到一兩次手剁豬肉呀!
刪除