XO醬西蘭花炒雞柳

哈哈，

又到糧尾時候喇!

慳慳哋煮咗碟XO醬西蘭花炒雞柳做晚餐，

加埋食剩嘅幾件叉燒，

嘻嘻，

咁又一餐啦喂!

材料: 雞扒1塊、西蘭花、XO醬2茶匙、蒜蓉

醃料: 豉油半湯匙、鹽少許、糖1茶匙、生粉1茶匙、麻油少許、紹酒少許

調味: 蠔油1湯匙、老抽少許、鹽少許、糖1茶匙、生粉1茶匙

做法: 雞扒解凍後去皮切絲，落醃料醃30分鐘；

西蘭花切件後，放入熱水鑊內灼1分鐘後撈起，沖涼水備用；

燒熱油鑊落蒜蓉和雞柳快炒至轉色，加XO醬炒勻雞柳後，

落少許水煮至雞柳熟後，加入灼好西蘭花炒勻，

最後落調味煮多一陣至汁濃便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page