雪菜肉碎湯米線

原本今日午餐得我一個人食，

點知小魔怪突然話要留家工作，

咁我即係午餐唔煮都唔得啦!

拿拿臨煮一大鍋雪菜肉碎，

用嚟撈米線食呀!

煮咗咁大鍋雪菜肉碎點算好???

我鐘意將一半雪菜肉碎放入餐盒雪入冰箱，

咁就隨時都可以攞嚟食啦!

雪菜肉碎餡: 

材料: 豬肉碎半磅、即食雪菜300g、蒜蓉、麻油少許

醃料: 豉油1湯匙、鹽半茶匙、糖1茶匙、生粉1茶匙、麻油少許

調味: 蠔油1湯匙、辣豆瓣醬1茶匙、糖1.5茶匙、水半碗

做法: 豬肉碎落醃料醃30分鐘；倒出即食雪菜，用水沖一沖後揸乾水份；

不需落油用白鑊炒乾雪菜，加1茶匙糖和麻油炒勻上碟；

落少許油爆香豬肉碎和蒜蓉，加入雪菜快炒後，

落調味和水半碗煮至肉熟後，落少許生粉水埋芡汁便成。

    

大家可以入嚟Facebook讚下我新開嘅Fans專頁呀!

雀后(添飯)Facebook Fan Page