客家咸雞(去骨版)

今日冬至，

我雀后祝大家冬至快樂，

團團圓圓，

身體健康!

噚日買咗隻雞嚟醃咸佢，

整老公至愛嘅客家咸雞嚟食呀!

今次攪攪新意思，

整碟起咗骨嘅客家咸雞，

配埋碟傳統客家蔥油點雞食，

呢隻雞皮薄肉嫩又唔肥，

一隻雞分兩餐食，

啖啖肉，

真係好正架!

材料: 雞1隻、薑5片、蔥段

醃料: 鹽2湯匙、紹酒1湯匙

做法: 雞洗淨後去內臟，用廚紙索乾水份後，

落醃料搽勻雞身內外醃半日或以上(我醃咗24小時)；

從雪櫃取出雞待室溫1小時，將薑蔥放入雞肚內，

放入熱水鑊內用大火蒸30分鐘熄火，不要開蓋焗雞5~8分鐘後，

取出雞待涼去骨斬件。

蔥油醬: 

材料: 乾蔥頭2個、薑蓉、蔥粒、滾油3~4湯匙

調味: 蒸魚豉油、麻油少許

做法: 將乾蔥頭切絲，加入薑蓉、蔥粒和調味攪勻後，贊上熱滾油便成。

~蒸雞時間要視乎雞嘅大細而有所調節呀!

＿  

 
大家可以入嚟Facebook讚下我新開嘅Fans專頁呀!
 

 雀后(添飯)Facebook Fan Page