南乳芋頭炆腩排

今朝落街買餸，

見到D豬腩排好鬼靚，

五層肉半肥瘦，

用嚟炆芋頭就最啱喇!

材料: 芋頭小半個、腩排$45、南乳半磚、冰糖適量、紹酒少許

老抽少許、薑3片、蔥粒

醃料: 豉油1茶匙、糖1茶匙、生粉1茶匙、麻油少許

做法: 芋頭去皮切件；排骨洗淨後用醃料醃1小時；

南乳用紹酒少許搓勻；燒熱鑊落油，煎芋頭兩面至少少焦黃色上碟備用；

燒熱煲仔落油，加薑片和腩排略煎兩面後，落南乳爆炒後，

加1.5碗水和冰糖煮滾後，轉細火慢慢炆20分鐘後，

落芋頭炆多15分鐘或至芋頭腍，加少許老抽調色，

或按個人口味落鹽調味，上碟後灑上蔥粒裝飾便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page