香煎雞扒拌芝麻汁沙律菜

 

噚日買咗盒沙律菜，

本來諗住俾大魔怪整蔬菜沙律，

點知佢出街都冇返嚟食飯，

咁唯有留番俾我哋食啦!

今朝分咗1/3盒小魔怪帶返公司食，

今晚我和老公食咗1/3盒，

仲有1/3盒就要留番明天先食啦!

今晚煎咗塊雞扒拌沙律菜，

加車厘茄和芝麻沙律醬，

嘩，

好靚呀!

材料: 雞扒1塊、蒜蓉

醃料: 鹽1.5茶匙、黑胡椒碎、雜香草

做法: 雞扒解凍後，係厚肉部份界幾刀(易入味)，落醃料和蒜蓉醃半日；

從雪櫃取出雞扒待室溫1小時，放入易潔鑊內不需落油，

先煎雞皮部份至出油後，反轉煎另一面至雞扒熟便成。

~記得煎雞扒前先抹掉所有蒜蓉，因為蒜蓉好易燶呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page