手剁梅菜豬肉

今日，

一時衝動係街市買咗舊二八肥腩肉，

整咗呢碟剁咗20分鐘嘅梅菜豬肉餅；

想個肉餅好食，

一定要用手同佢哋做massage，

同埋一邊做massage，

一邊餵佢哋飲水，

咁個肉餅先會好滑架啦!

簡易烤雞翼

噚日買咗2磅雞翼先記得冰箱已經冇哂位，

點算???

唔使諗啦!

拿拿臨將D雞翼解凍先，

用最原始嘅調味料醃咗佢先。

今日本來諗住煎嚟食，

但天氣實在太熱喇，

唔想開火，

於是就咁放入焗爐焗熟佢嚟食算喇!

青瓜炒吊片仔

老公話要食魷魚乾(吹筒仔)，

咁啱雪櫃有條圓碌碌嘅青瓜，

咁就煮咗呢碟充滿童年回憶嘅~青瓜炒吊片仔。

冬菇炆伊麵(素)

過年時買咗一包大冬菇，

冬菇好厚肉，

炆嚟食係一啖食唔哂架!

老公和大小魔怪都唔係咁鐘意食咁大隻嘅冬菇，

好彩剩得唔多約12隻左右；

所以噚日就炆咗佢，

8隻冬菇放入冰箱雪住佢，

咁就隨時都有得食，

其餘4隻就切片嚟炆伊麵。

因為要留番俾大魔怪食，

所以我用咗素蠔油炆冬菇呀!

但個人覺得，

都係用李錦記舊裝蠔油炆冬菇，

先至係最好食D囉!

麵包製作精選實習中班~第七堂

呢堂學搓酥皮~丹麥包和牛角包；

大大話話學咗咁多堂，

搓酥皮真係唔拿手，

好彩今次都冇失禮，

唔係實會俾亞sir鬧喇!

日本花菇仔炆栗子排骨

星期六，

母親大人攞咗半包日本花菇仔俾我，

今日就用佢嚟炆栗子排骨；

貴咗即係貴嘢，

浸出嚟嘅冬菇水都特別香過人，

用得唔好嘥，

攞埋D浸冬菇水嚟炆排骨先得。

清炒福花菜

近排見街市有好多福花菜賣，

$10斤又唔算貴喎!

落肉片炒又得，

清炒又得；

今次清炒就加咗辣椒乾落去喇!

落少少鹽、糖和豉油一齊炒，

辣辣咸咸爽爽脆脆，

好鬼惹味架!

黑椒洋蔥炆咸豬手

大大話話冇整呢黑椒洋蔥咸豬手已經有好幾年，

幾兩日見到百佳有咸豬手賣，

見佢又幾大隻，

所以就買咗隻返嚟，

襯昨日慶祝父親節，

整咗俾大家食喇!

父親節快樂

今日我哋黃家三姐妹和母親大人總共11人，

齊齊入嚟天水圍我屋企慶祝父親節，

順便派埋D糭俾大家分享啊!

今餐冇出街食，

全部都係我煮架(除咗外賣鴨外)，

雖然係就係辛苦咗少少，

但見大家食得開心，

值得啊!

2020愛心糭

今日又係一年一度包糭嘅大日子，

晨早起身準備材料，

洗米浸豆，

洗葉剪葉，

努力係咁包包包，

雙爐開行turbo烚糭，

終於任務完成了，

今年48隻咸肉糭和10隻迷李一口糭，

大魔怪減緊肥，

所以今年冇包素糭呀!

有機芽菜炒肉片

見到屋苑商場有呢款肥肥短短嘅有機芽菜賣，

買咗$10(半斤)嚟食下啦喂!

再買舊梅頭瘦肉嚟炒$40，

總成本要成$50，

唉，

咩世界呀???

不過話時話，

呢隻有機芽菜好爽口，

又幾好食喎!

麵包製作精選實習中班~第五、六堂

第五堂~檀香山包、麥提沙忌廉包(紅豆)、鮮奶包，

原本鮮奶包係齋包嚟，

亞sir加咗粟米粒和火腿俾我哋，

嘻嘻，

真係啱我比意喇!

菜粒蝦仁餐肉蛋炒飯

今晚要返學搓麵包，

所以中午就炒咗一大鑊飯，

有蝦仁、午餐肉、菜芯和雞蛋，

材料好豐富；

咁到晚上，

老公可以煮番熱嚟食喇!

氣炸泰式香辣單骨雞翼

大包嘅CP香辣單骨雞翼長期缺貨，

真係可遇而不可求架!

為咗解解自己嘅為食，

唯有自己整嚟食啦!

韓式小牛扒

今餐煮小魔怪訂返嚟嘅小牛扒，

用咗韓式牛肉汁去煮，

小牛扒唔使調味，

解凍後用廚紙煮乾血水，

係個鑊度係易煎兩面，

再煮個韓汁燴落去，

小牛扒好嫩滑，

好正架!

雙椰(印度椰子、海底椰)素湯

今日又煲咗素湯俾家人飲喇!

雙椰(印度椰子、海底椰）栗子馬蹄粟米紅蘿蔔湯，

今次加咗海底椰乾一齊煲，

止咳潤肺，

滋陰清燥熱，

啖湯好清甜架!

咸魚雞粒炒飯

有大碗冷飯剩係雪櫃，

唔使諗緊係用嚟整炒飯食啦!

摷到有舊咸魚，

拆少少肉出嚟炒飯都唔錯喎!

香噴噴咸魚雞粒炒飯，

出鍋啦!

豆醬炆豬手

唔記得買邊隻豉油(2支)送咗一樽黃豆醬俾我，

除咗可以用嚟蒸麵豉排骨外，

仲可以用嚟炆餸架!

今日我就用佢嚟炆豬手喇!

蒜蓉香煎雞扒

呢排跟小魔怪食得清淡嘢多，

襯佢今日唔返嚟食飯，

整番D香口嘢食下先得；

今餐就煎咗兩塊雞扒嚟食，

專登搵D重物壓在雞扒上，

咁雞皮和雞肉都會貼住鑊煎，

除鎖住雞肉汁外，

更煎到塊雞皮脆卜卜，

好惹味架!

麵包製作精選實習中班~第四堂

第四堂學整酸乳酪包和橙味包，

雖然呢堂麵包齋齋哋，

亞sir真係好鬼好人，

加咗合桃和杏仁片俾我哋，

咁食落就香口好多喇!

自製照燒汁鯖魚

哈哈，

呢餐又係食雪櫃物資呀!

鯖魚係百佳買，

一見有特價就定半打放係冰箱，

咁就隨時都有得食啦!

黑椒豬扒&煎燶邊蛋

今日冇買餸，

摷下雪櫃有咩物資先得；

簡單煮咗碟黑椒豬扒，

炒多碟菜，

仲有小魔怪至愛嘅煎燶邊蛋，

開飯囉!

北極蝦兩食

我最鐘意試新嘢，

係佳寶見到有盒加拿大北極蝦，

未食過就買嚟試下啦!

有人話解凍後可以即食，

但我都係覺得炒炒佢穩陣D囉!

煮咗兩種口味，

想食濃味嘅食黑椒三色椒酥炸北極蝦；

鐘意食清淡就食蒜蓉青瓜炒北極蝦。

XO醬沙薑手撕雞

小魔怪呢排肥咗好多，

佢終於的起心肝去做運動兼健身，

仲要話食健康雞胸肉添!

佢食雞胸肉，

咁我食手撕雞囉!

加咗XO醬和青瓜絲，

超級好食，

食剩咗就做咗今日我哋午餐~手撕雞米粉。

菜芯蝦粒炒飯

昨日又試新鑊啦!

今次用嚟炒飯~菜芯蝦粒炒飯。

嘻嘻，

新鑊緊係唔黐鑊啦!

仲炒到香噴噴添，

好鬼正呀!

麵包製作精選實習中班~第三堂

第三堂學搓朱古力麵包&葡式粟米麵包，

兩款包包都係我至愛呀!

黑椒洋蔥薯仔牛柳粒

小魔怪買咗大蝦、牛扒和牛柳粒返嚟都有幾日，

終於等到佢留係屋企食飯喇!

昨晚就煮咗呢碟黑椒洋蔥薯仔牛柳粒，

方便佢帶飯返公司食呀!

今次試新鑊，

新屎坑咩都覺得好用呀!