下火靚湯~芫茜魚片皮蛋湯

下火靚湯~芫茜魚片皮蛋湯。

買豬肉煲老火湯太貴了，

改買條魚片和皮蛋嚟滾芫茜湯，

廿零蚊左右，

經濟得嚟又好飲架!

材料: 芫荽$3、鯇魚片一條$16、皮蛋1隻($3)、3片薑

做法: 芫荽洗淨後切半(芫荽頭留用)；

洗淨魚片後切雙飛(即第一刀切落去唔好切斷，第二刀先切斷)，

將魚皮放入大碗內，落少許鹽、胡椒粉和麻油醃一陣；

皮蛋去殼後切粒；燒熱4碗水，加薑片、魚頭和芫茜頭先滾3~4分鐘，

然後加入芫荽和鯇魚片灼至翻滾至魚片熟，最後落皮蛋和鹽調味便成。

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page