大暑~冬瓜粟米排骨薏米湯

今日大暑，

我本來都冇諗過煲冬瓜湯，

見雪櫃仲有半個西瓜，

食西瓜都可以消暑架!

但老公話想飲湯，

得得得，

開到口一定會煲湯俾你飲架!

材料: 冬瓜約2斤、排骨頭$80、粟米2條、紅蘿蔔1個(有泥)、

生熟薏米$5、蜜棗3粒、瑤柱8粒、薑3片

做法: 排骨出水後洗淨備用；冬瓜切件(留皮)；

粟米和紅蘿蔔去皮切件；生熟薏米略浸；

將所有材料放入煲內加入熱水(蓋過材料)，煲滾後轉小火慢慢煲2小時，

最後落鹽調味便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page