蝦醬粉絲蒸豬肉

平時下午得我倆老食飯，

食得好簡單；

買舊有少少肥嘅梅頭肉，

加埋粉絲和蝦醬一齊蒸，

再灼碟油菜，

咁又一餐囉!

材料: 梅頭豬肉$25、粉絲適量、薑絲、蔥粒

醃料: 蝦醬1茶匙、糖1茶匙、生粉1茶匙、油少許、水2湯匙

做法: 梅頭豬肉洗淨後切薄片，加入醃料醃30分鐘；粉絲浸軟備用；

將醃好嘅豬肉放在粉絲面並舖上薑絲，

放入熱水鑊內用大火蒸12分鐘，最後灑上蔥粒便成。

~梅頭豬肉有少少肥嘅話，口感更佳；

~留意蝦醬咸度，太咸的話記得要自行調節囉!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page