哈哈，
今日又係食鳳爪呀!
話說上星期六煮咗豉油雞腳，
點知小魔怪冇返嚟食飯，
最後一隻雞腳都俾老公食埋；
佢話今晚要我煮俾佢食喎，
咁簡單要求緊係冇問題啦!
佢話要食麻辣味，
所以我加咗花椒八角辣椒乾落去一齊炆，
特別惹味呀!
材料: 急凍短鳳爪15隻、薑6片、花椒粒適量、八角1粒、辣椒乾4隻、
糖2茶匙、紹酒1.5湯匙
調味: 豉油1湯匙、老抽1湯匙、蠔油半湯匙、冰糖適量
做法: 急凍鳳爪解凍後，放入鍋內加入水、薑3片和紹酒1湯匙出水5分鐘，
將鳳爪沖溉乾淨後，剪甲備用；
燒熱油鑊加入花椒、八角、辣椒乾、薑片和糖2茶匙炒至轉金黃色，
加入鳳爪炒勻至上色後，落調味和1.5碗水煮滾後，
轉小火慢慢滾至鳳爪收汁便成。
~想食加辣版，可以加埋辣豆瓣醬落去一齊炆，
咁豉油和蠔油嘅份量就要略略減少喇!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!