雜錦韭菜小炒皇

買咗扎韭菜花，

摷下雪櫃睇下物資有咩可以用嚟炒先得???

搵到吊片乾和蝦乾，

加埋少少街買焗腰果，

炒咗呢碟雜錦韭菜小炒皇，

一個字~正!

材料: 韭菜花、吊片仔8隻、蝦乾20條、焗腰果適量、

豉油和糖少許(醃吊片和蝦乾)、蒜蓉

調味: 蠔油1茶匙、辣豆瓣醬少許、豉油1茶匙、老抽少許、

糖1茶匙、生粉1茶匙、水3湯匙

做法: 吊片浸軟去內臟切片；蝦乾浸軟；

落少許豉油和糖醃吊片和蝦乾；韭菜花切段；

燒熱油鑊爆香吊片和蝦乾，炒至乾身後盛起；

原鑊落少許油加入蒜蓉和韭菜花快炒，

落吊片和蝦乾炒勻後，加入調味炒至韭菜熟後熄火，加埋腰果拌勻便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page