黑椒洋蔥牛柳粒

近排小魔怪日日放工就去做gym，

間中仲會去游水添!

食嘢又健康咗，

早餐食雞蛋2隻，

午晚兩餐就清蒸雞柳和白烚菜，

雖然睇落好齋咁，

但又真係好有效，

肌肉實咗兼成個人精神咗!

不過呢，

食得咁齋間中都要放鬆下，

我都會蒸魚和煮牛肉俾佢食；

今餐我整咗黑椒洋蔥牛柳粒(少汁版)，

佢食咗幾粒已經好滿足架啦!

材料: 牛柳粒、洋蔥、蒜蓉、黑胡椒粒、黑椒醬2茶匙、油1茶匙

醃料: 豉油1湯匙、糖1茶匙、生粉1茶匙、水1湯匙

做法: 牛柳粒解凍後，用廚紙索乾水份，落醃料和黑胡椒粒醃1小時；

洋蔥去皮切片；燒熱鑊落油，加入牛柳粒煎香四面後盛起；

原鑊落少許油，落洋蔥爆香，加入蒜蓉快炒至洋蔥轉色，

落黑椒醬2茶匙和水2湯匙煮至洋蔥熟，落埋牛柳粒快手炒勻後上碟。

~小魔怪減肥期間要食少油少鹽餐，所有呢個黑椒牛柳味道會淡D呀!

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page