雜菌炆伊麵&皮蛋蠔士咸排骨瑤柱粥

今日係佛誕，

午餐就炒咗碟雜菌炆伊麵應下節，

買埋油炸鬼和牛脷酥，

唔少得緊係煲煲靚粥食下啦~皮蛋蠔士咸排骨瑤柱粥，

開飯囉!

雜菌炆伊麵

材料: 伊麵4個(小型)、冬菇8隻、小雞髀菇7個、本菇1盒、蒜蓉

調味: 素蠔油1.5湯匙、豉油1湯匙、老抽1湯匙、糖1.5茶匙、麻油少許

做法: 冬菇浸軟切片；雞髀菇切件；本菇去蒂備用；

燒熱水落伊麵灼至軟身後撈起沖水備用(唔好灼得太淋)；

燒熱鑊不需落油，用中小火炒雞髀菇和本菇至出菇水，

加入冬菇、蒜蓉和少許油炒勻後，加入調味和1.5碗水煮滾，

落埋伊麵炆煮至汁濃後上碟便成。

~鐘意食韭黃嘅朋友可以加埋落去架!

~唔用素蠔油，用普通蠔油代替都得。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page