蝦醬粉絲蒸豬腩肉

今日去肉檔買豬肉，

問豬肉佬用嚟蒸蝦醬咩肉好食呢???

佢介紹我買肥腩肉，

我話好肥喎~舊豬肉，

豬肉佬話呢舊肥腩肉好好食，

唔好食嘅話就返去算漲喎，

咁就信佢一次咁多啦!

豬肉佬真係冇介紹錯，

D肥腩肉蒸完出嚟咬落去一D都唔肥，

肥肉食落好爽口，

真係唔覺自己食緊肥豬肉呀!

材料: 豬腩肉$58、粉絲適量、蒜蓉、薑絲、蔥粒、蒸魚豉油1湯匙、麻油

醃料: 蝦醬1湯匙、豉油1茶匙、糖1茶匙、生粉1茶匙、紹酒少許、

油少許、水2湯匙

做法: 豬腩肉洗淨後切薄片，加入醃料醃1小時；

粉絲浸軟，落蒸魚豉油和麻油撈勻粉絲；

將蝦醬豬腩肉放在粉絲面，舖上薑絲和蒜蓉，

放入熱水鑊內用大火蒸15分鐘，最後灑上蔥粒便成。

~留意蝦醬咸度，太咸的話記得要自行調節糖份呀!

~記得從雪櫃取出肉類後，如雞、牛、豬、魚等，

需要放室溫1小時左右先好煮呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page