黑椒洋蔥炆排骨

宅在家3個月，

日日有咩做，

買餸煮飯做家居清潔，

上網煲劇睇小說外，

其餘時間都係發"吽"豆囉!

炆咗碟黑椒洋蔥排骨，

加強殺菌和抗感冒啊!

材料: 一字排骨$70、洋蔥1個、蒜蓉、生粉水、黑胡椒碎適量

醃料: 豉油1湯匙、鹽半茶匙、糖1茶匙、麻油少許、紹酒少許、生粉1茶匙

調味: 蠔油1湯匙、豉油半湯匙、老抽半湯匙、糖1茶匙、水1碗

做法: 一字排骨洗淨後瀝乾水份，落醃料醃1小時；洋蔥去皮切片；

燒熱鑊落油，加入排骨略煎幾面至有少少焦香後，落蒜蓉和洋蔥炒香，

加入調味和黑胡椒碎，炆煮洋蔥排骨15分鐘(水滾後轉小火慢慢炆)，

加埋生粉水埋芡汁便成。

~我鐘意食淋洋蔥，所以加埋落去排骨度一齊炆，咁鐘意食生洋蔥嘅朋友，

就唔好落洋蔥住，等差不多炆好先落洋蔥，炆幾分鐘就食得啦!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page