酥炸南乳雞翼

酥炸南乳雞翼，

唔好講笑，

真係好鬼脆口，

最鐘意用手一路揸住雞翼食，

一路啤啤佢架喇!

飲勝!!!

材料: 雞翼12隻、蕃薯粉約8湯匙

醃料: 南乳半磚(約60g)、糖2茶匙、紹酒半湯匙

做法: 雞翼解凍後用廚紙抹乾水份，用刀係雞翼背中間界一刀(易入味)；

將南乳、糖和紹酒搓勻後，醃雞翼半日以上(越醃得耐越入味)；

從雪櫃取出雞翼放室溫1小時左右；

將蕃薯粉放入大碟內，把雞翼逐一沾上蕃薯粉後靜待2~3分鐘；

放入油鑊用半煎炸形式將雞翼炸熟，炸好雞翼後，用廚紙索乾油份便成。

P.S. 雞翼沾上蕃薯粉後唔好即刻落油鑊炸，

等蕃薯粉能夠全部沾在雞翼面，咁炸出嚟嘅雞翼先脆卜卜架!

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page