金銀蒜粉絲蒸開邊蝦

今朝去街市買餸咗D蝦，

今晚就煮咗呢碟金銀蒜粉絲蒸開邊蝦喇!

雖然係就係麻煩咗少少，

要逐隻蝦剪鬚、開邊和挑腸，

又要炸蒜蓉，

又要浸粉絲；

但見大家食得咁開心，

蒸完出嚟唔使10分鐘就已經俾我3個人KO哂!

做多少少嘢都唔怕啦!

材料: 蝦、蒜頭1個(大)、粉絲適量、鹽、蔥粒

調味: 蒜魚豉油

做法: 粉絲蝦洗淨後，剪去鬚和眼部位置(記得挑去蝦頭內黑色嘅沙囊)；

從蝦背剪開蝦殼，再用刀將蝦開邊，盡量將蝦身剪開但唔好切斷後挑去蝦腸；

用水將粉絲浸軟後，隔去水份後，再用熱水浸10分鐘後瀝乾水份；

將全個蒜頭剁碎後，把一半份量蒜蓉放入熱鑊中炸至金黃色後，

與未炸蒜蓉和半茶匙鹽攪勻備用；

將粉絲舖在大碟內，然後舖上開邊蝦，把金銀蒜平均舖在蝦肉內，

將蝦放入熱水鑊內蒸4分鐘後，灑上蔥粒和淋上滾油後，

最後淋上蒜魚豉油便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page