XO醬西蘭花炒帶子蝦仁

今日要清樽XO醬，

所以買咗D帶子返嚟炒西蘭花，

見雪櫃有大隻蝦仁，

一於放幾隻落去炒埋一碟啦!

材料: 西蘭花1個、帶子8隻、蝦仁4隻、蒜蓉、紹酒

調味: XO醬1湯匙、蠔油1茶匙、豉油半茶匙、糖1茶匙、

生粉大半茶匙、麻油少許、水2湯匙

做法: 帶子和蝦仁解凍後，用廚紙索乾水份；

燒熱水加入帶子蝦仁灼15秒後盛起備用；

西蘭花切件後浸鹽水；燒熱水加少許鹽灼西蘭花至熟後盛起；

燒熱油鑊加入西蘭花快炒後贊少許紹酒和鹽調味後盛起；

原鑊落少許油加入帶子和蝦仁煎兩面至轉色，落XO醬和蒜蓉炒香後，

加入調味煮至汁濃後，將帶子蝦仁舖在西蘭花面便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page