乾扁福花菜炒牛肉

如果係街外食呢碟乾扁福花菜炒牛肉，

肯定會又咸又辣又多油；

但自己炒囉喎，

梗係少油少鹽和少辣啦!

簡簡單單有菜有肉，

咁又一餐囉!

材料: 福花菜1斤、牛肉$35、蒜蓉、辣椒乾6隻、鹽少許

醃料: (1)豉油1湯匙、糖1茶匙(2)生粉1.5茶匙(加1湯匙水撈勻)、麻油

做法: 牛肉浸水一陣去血水後瀝乾水份，用廚紙索乾水份後，

先落醃料(1)撈勻，後落(2)撈勻後放入雪櫃雪1小時； 福花菜洗淨後切小棵；

燒熱油鑊落牛肉煎封兩面後，加入蒜蓉快炒7成熟後上碟；

原鑊加少少油落福花菜炒至轉色或斷生後(全程唔使加水)，落少許鹽調味，

轉大火加入牛肉和辣椒乾快炒至乾身便成。

~醃牛肉時，我鐘意用手去撈勻調味，加生粉水後用手抓牛肉，

咁牛肉吸水會快好多架!

~乾扁福花菜一定唔可以落水，因為落咗水D福花菜會變腍，唔再爽口架啦!

~仲有炒福花菜係唔需要蓋上鑊蓋去焗佢架!

  

大家可以入嚟Facebook讚下我新開嘅Fans專頁呀!

  

雀后(添飯)Facebook Fan Page