昨日一早炆咗一大鍋蘿蔔牛筋腩金錢肚，
裝起小部份放入冰箱做儲備；
其餘的就做咗我哋昨晚的晚餐，
仲有小魔怪今日下午嘅午餐呀!
材料: 牛肋條1.5磅、急凍金錢肚1磅、急凍熟牛筋半磅、蘿蔔1條、薑6片、
八角1粒、香葉3片、紹酒2湯匙、熱水3碗
醬料: 柱候醬1湯匙、磨豉醬1湯匙、辣豆瓣醬1湯匙、蠔油1湯匙
調味: 豉油1湯匙、老抽1湯匙、冰糖1大粒
做法:凍水落鑊加入牛肋條、金錢肚、薑3片和紹酒1湯匙，
煮滾出水10分鐘，取出沖洗後，牛肋條切件，金錢肚切條；
熟牛筋切件；蘿蔔去皮切件；
凍鍋落油，落3薑片和醬料先爆香，
加入牛肋條和金錢肚炒勻，沿鑊邊贊紹酒1湯匙，
加熱水3碗水和調味煮滾，轉小火慢慢炆1小時後熄火，唔好開蓋焗2小時；
開中小火煮滾牛腩，加入蘿蔔和熟牛筋炆多45分鐘後熄火；
食前開火煮滾牛筋腩炆多15分鐘左右便成。
~呢個柱候蘿蔔牛筋腩金錢肚，隔日食仲入味，金錢肚會再腍身D呀!
~記得全程先用大火煮滾後，轉最小火慢慢炆煮，如發現冇哂汁嘅話，
可以加入適量熱水繼續煮呀!
我好喜歡食呢幾樣，去食車仔麵都會點。
回覆刪除哈哈，我都係呀!
刪除我買左煮好的炆牛肚呀，送埋去屋企，過下口癮。
回覆刪除唔使自己煮仲正啦!
刪除