XO醬豬頸肉魚乾仔炒韭菜花

老公和小魔怪好鐘意食魚乾仔，

有時清蒸後淋上豉油熟油；

今次我就用佢嚟炒餸，

加埋XO醬炒豬頸肉和韭菜花，

好惹味架!

材料: 豬頸肉1塊、韭菜1扎、魚乾仔、甘筍半條、蒜蓉、

XO醬2茶匙、紹酒

醃料: 魚露1湯匙、糖1茶匙、麻油少許

做法: 豬頸肉洗淨抹乾水份，用醃料醃1小時；

韭菜花成段後洗淨；甘筍去皮切絲；魚乾仔浸洗15分鐘；

燒熱易潔鑊煎香豬頸肉表面至焦香(無需要熟透)後切片；

燒熱油鑊落豬頸肉和魚乾仔爆香後贊紹酒，

加入蒜蓉、XO醬、韭菜花和甘筍快炒數十下，

落2湯匙水加蓋焗30秒至汁濃，最後加入鹽和糖調味炒勻便成。

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page