麵醬豆角炒雞粒

買咗樽原豉醬返嚟，

除咗可以用佢嚟蒸排骨之外，

我好鐘意用嚟炆豆角，

炆起大大碟，

有時懶懶哋煮一個餸都得架!

材料: 長豆角、雞扒2塊、蒜蓉、原豉醬1湯匙

醃料: 豉油1湯匙、糖1茶匙、粟粉1茶匙、麻油和紹酒各少許

做法: 雞扒解凍去皮後切粒，用醃料醃1小時；長豆角切段；

燒熱油鑊加雞粒，煎熟一面後先反轉煎另一面後盛起(約8成熟)；

再燒熱油鑊落蒜蓉、原豉醬和長豆角快炒後贊酒，

加大半碗水炆至豆腍後，落雞粒炒勻，加蓋鑊焗煮汁濃後，

試味後可按個人口味加鹽或糖調味(我兩樣都冇加)。

(如汁多可加少許粟粉水埋茨汁)

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page