又到咗一年一度嘅包糭日，
推到咁遲先包糭，
係因為雪櫃空位有限，
包完隔日就可以攞去送禮，
咁就唔使擺哂入雪櫃啦!
今年一如往日都係包客家糭，
總共包咗55隻，
42隻有蛋黃和肉，
6隻冇蛋黃但有肉(小魔怪)；
7隻素糭有紅豆、花生、綠豆(大魔怪)。
材料: 糯米5.5斤、綠豆4斤、咸蛋21隻、糭葉1斤、草2扎、
蝦米半斤、豬腩肉3磅、乾蔥頭1包
醃料: 豉油2湯匙、五香粉一包、糖2茶匙、紹酒1湯匙
做法: 豬腩肉去皮後切塊狀用醃料醃一陣；將整包乾蔥頭剁碎，
落油爆香乾蔥蓉後，加豬腩肉、蝦米、1茶匙鹽和大半碗水，
略煮豬腩肉至收汁盛起待涼，放入雪櫃雪1晚；
糯米和豆洗淨後起碼浸6個鐘，倒去多餘水份，
加3湯匙鹽和2湯匙油撈勻米及豆；
然後烚糭葉和草、咸蛋黃開半；準備好哂所有材料，就可以包糭啦!
每轉糭烚1個半鐘左右就得啦!
大家可以入嚟Facebook讚下我新開嘅Fans專頁呀!
好叻呀你，識包糉。我最鍾意食花生糉。
回覆刪除我都係跟圍村大嬸學架!都包咗有十幾年囉!
刪除好勁, 好大工程!!!!!!
回覆刪除晨早4點起身浸米洗豆，攪足成日架!
刪除好友♦･ﾟ☼早晨&午安*☁`☀快樂星期五
回覆刪除┏┓┏┓｡･ﾟﾟ･｡｡ﾟ♥＼(｡◕ヮ^)／⊹｡ﾟ
┃┗┛ appy❥又一天開始•❣
┃┏┓┃.•*¨`*•`*•❀*¨*ƸӜƷ¸.•*✿¨*ʚïɞ
┗┛┗┛♡唔少得❤開心萬事得呢ღ
♧╬═╬♣╬╬═♧╬╬═╬♣╬═╬♧╬╬♣╬═
端午節快樂呀!
刪除各種口味,照顧周到
回覆刪除大家都有得食嘛!
刪除嘩！大製作！包咁多洗葉都有排洗，又包幾個款式，你真係照顧周到，做你屋企人好幸福。
回覆刪除我又係雪櫃冇乜空間，所以習慣烚起當晚就送畀人先。
今年買嘅糭葉好大塊，2大塊就包好一隻糭啦!
刪除我想學包呢個款嘅糉
回覆刪除呢款糭最簡單，包哂D材料係中間，上下兩邊對摺，扎緊就得啦!
刪除包得好靚...
回覆刪除呢款糭咁包法係幾靚架!
刪除真係大製作！
回覆刪除包到手軟呀!
刪除雀后：你好勁呀！咁快包幾款糉，照顧週到，端午節快樂！
回覆刪除端午節快樂呀!
刪除我上年話今年包 , 今年又話下年先包 , 唔知幾時先會自己包呢 ^^
回覆刪除哈哈，一於出年先包啦!
刪除你好叻啊！我都想學
回覆刪除呢款糭最簡單，包哂D材料係中間，上下兩邊對摺，扎緊就得啦!
刪除