台式鹵肉飯

今日我和老公又要返惠州3日!

昨晚已經煮定個台式鹵肉放係冰箱，

等小魔怪放學返嚟，

隨時攞出嚟解凍翻熱後，

用嚟撈飯或撈麵食都得呀!

材料: 有皮五花腩肉1.5磅、冬菇10個、乾蔥頭3個、雞蛋4隻

調味: 醬油膏2湯匙、豉油1湯匙、老抽1湯匙、冰糖3粒(小)、

五香粉1湯匙、胡椒粉1茶匙、紹酒1湯匙、鹽半茶匙(最後落)

做法: 帶皮五花腩肉出水後，切成粒狀；冬菇浸軟後切粒；

紅蔥頭去皮切粒，凍鍋落油加紅蔥頭炸成酥後撈起；

原鍋先爆香冬菇，後加五花腩肉爆炒至轉色後贊酒，

加入調味、炸香紅蔥頭(半份)和水2碗(包括浸冬菇水)煮1個半小時；

將雞蛋煲熟後去蛋殼，加入鹵肉中煮15-20分鐘，

將餘下蔥酥加入攪勻便成。

~鹵肉時記得先用中火煮滾後轉小火慢慢炆燉，咁肉就會好腍滑架啦!

~鹵肉要用有皮五花腩肉，肥與肉份量宜為3/7左右，咁鹵出嚟嘅肉特別香架!

~我將豬皮部份另外切粒粒，咬落就有QQ嘅感覺啦!

~鹽最好最後先落，咁就唔會過咸啦!

~如用普通煲煮鹵肉的話，咁就要落多少少水和起碼炆2小時以上啦!

~想更入味就唔好即日食，隔日食仲入味呀!

  

大家可以入嚟Facebook讚下我新開嘅Fans專頁呀! 

 雀后(添飯)Facebook Fan Page