吃喝玩樂在惠州

 

上星期六，

 

我哋1行4人(大伯、大伯娘、老公和我)齊齊返惠州，

 

而姑奶就早一日星期五就返咗去打掃屋企；

 

呢幾日惠州天氣都好差，

 

日日下午就落大雨，

 

落雨真係冇咩好做，

 

唔係食就係打麻雀啦!

 

姑奶仲煮埋飯等我哋返去食添!

 

真係辛苦哂囉!

 

晚上呢餐緊係出街食啦!

 

仲要係我請添，

 

點解???

 

因為我係雀后，

 

一家獨贏呀!

食咗260人仔，

抵過自己煮呀!

星期日早上，

 

我哋辦完正經事，

 

就走咗去飲茶，

 

見到酒樓話有正宗北京片皮鴨食，

 

唔貴喎138蚊人仔有1隻，

 

皮脆肉嫩，

 

好味道呀!

 

 

 

午飯後，

 

又落緊大雨，

 

我哋走咗去唱K，

 

下午1點唱到晚上七點都係100蚊，

 

仲包小食飲品，

 

啤酒就要自備(偷偷哋)，

 

超抵呀!

唱完K就要去補下身啦!

 

大熱天去食豬肚雞煲，

 

10個人去食分咗2圍枱，

 

5人一圍食個雞煲加咗碟菜、雜菇、魚皮餃和煲仔飯，

 

仲叫埋即整薄餅，

 

真係飽到上心口架!

呢餐食咗400人仔仲有找添呀!

  

到咗今日星期一，

 

姪仔車我哋去車站搭車返香港，

 

點知又落大雨，

 

馬路上好多地方都水浸，

 

大雨到望前車都有困難，

 

真係好驚險架!

 

好彩都順利到達車站，

 

我哋求求其其去車站附近搵食。

 

 

 

哈，

 

雖然係惠州住咗3日，

 

日日都落大雨，

 

但總有晴天嘅時候架!

 

又要出動買買買啦!

 

 

 

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page