係萬寧換咗個新煲~26cm Staub，
超鐘意呢個綠色，
搶眼得嚟夠哂醒神，
不過感覺上比LC重好多，
我要練練手力先得啦!
今日就用佢嚟煲粥，
快靚正呀!
材料: 豬展$20、菜乾5棵、咸鴨腎2個、蠔豉仔20粒、薑絲、1杯米
醃料: 鹽半茶匙
做法: 豬展洗淨出水後切片用醃料醃30分鐘；菜乾浸軟洗淨切碎；
將10碗水放入staub內煮滾，落所有材料煲1小時15分鐘，
水滾後記得轉小火繼續煲，煲好加鹽調味便成。
(我覺得已經夠味，所以冇落鹽呀!)
(咸鴨腎煲30分鐘後取出切片，再放入煲內繼續煲呀!)
大家可以入嚟Facebook讚下我新開嘅Fans專頁呀!
第一，有得食掛？
回覆刪除有有有，我裝一大碗俾妳呀!
刪除個粥煲得好綿呀~~唔駛落鹽都夠味真好:)
回覆刪除咸鴨腎和蠔豉都有味，所以我都冇落鹽呀!
刪除粥好多料呀 , 我最鍾意食咸鴨腎和蠔豉 , 超好味 , 請我食碗吖 , 最緊要有咸鴨腎和蠔豉0架喎 , 唔該哂 !
回覆刪除呢個粥我好鐘意食，噚日我都食咗2大碗呀!
刪除菜乾粥好正呀﹗﹗﹗
回覆刪除呢個粥真係好好味道架!
刪除菜乾鴨腎加埋蠔豉,下火粥,啱我.
回覆刪除下火粥，啱我呀!
刪除喺英國 Staub 價錢亦比 LC 平！
回覆刪除唉，係香港，買LC和Staub都好貴呀!
刪除呢款粥好正，老少咸宜！
回覆刪除大人細路都啱食架!
刪除呢個粥好"坐"火。
回覆刪除Yummy yummy!
刪除這個煲真係好重.....保溫能力好高, 煲粥真係好正 !
回覆刪除我次次都係放煲落煮食爐先再落水，拎起冇咁重呀!
刪除我想食粒蠔豉呢^^
回覆刪除蠔豉仔，yummy yummy!
刪除用新煲一定煮得特別好味啦！
回覆刪除哈哈，我又多一個好幫手啦!
刪除夠下火！重有無呀‥‥
回覆刪除食哂好耐啦! ^.^
刪除我都諗住換呢隻煲，不過想要細size, 因可以入焗爐
回覆刪除個煲好重，我驚我個cheap焗爐頂唔順呀!
刪除