鹽酥雞後，
台灣之夜又嚟啦!
今次整香菇滷肉，
用嚟撈飯撈麵都咁正呀!
材料: 肉碎1磅、冬菇10隻(細)、紅蔥頭2粒、炸蒜蓉2茶匙、紹酒1湯匙
調味: 台灣醬油膏3湯匙、2湯匙豉油、老抽1湯匙、冰糖5~6小粒、
五香粉和胡椒粉各1茶匙
做法: 冬菇浸軟後切粒；紅蔥頭去皮切片；凍油落LC 22cm深底鍋，
爆香乾蔥片和炸蒜蓉後，加肉碎和冬菇快炒贊1湯匙酒，
加入調味和2碗水滾後轉細火，煲1個半小時；
雞蛋連殼煲熟，去蛋殼後加入鹵肉中浸15-20分鐘便成。
~如用普通煲煮鹵肉嘅話，咁就要落多少少水和起碼炆2小時以上啦!
~想更入味就唔好即日食，隔日食仲入味呀!
大家可以入嚟Facebook讚下我新開嘅Fans專頁呀!
正呀……我囡好中意我整呢個餸俾佢食，不過我喜歡加埋蝦米仔落去一齊炆 ^^
回覆刪除加蝦米就更惹味啦!
刪除送米粉一流
回覆刪除送飯送麵都咁好味道呀!
刪除留返大大碗做宵夜一流呀
回覆刪除做宵夜，正啦!
刪除正呀
回覆刪除好味道呀!
刪除我較喜歡鹵肉多過鹵肉蛋..
回覆刪除加埋隻蛋好味呀!
刪除我想問油膏係邊度買，唔該晒！
回覆刪除我係賣台灣食品舖頭買架，不過blog友話大型百佳惠康都有得賣喎!
刪除好唔該晒:-)
刪除睇見好想食呀！ 如果無醬油膏點算呀！
回覆刪除哈哈，冇就去買支嚟用啦，用醬油膏整呢個餸特別好味道架，如果有炸好蔥酥賣就更好，唔使自己整蔥酥嘛!
刪除等我去買醬油膏先
回覆刪除買啦，好用架!
刪除我要撈飯.
回覆刪除撈飯好正架!
刪除我想添飯呀!
回覆刪除哈哈，齊齊添飯啦!
刪除醬油膏煮鹵肉&鹵蛋, 好介紹呀, 雀后!
回覆刪除妳都試下整啦!
刪除呢個正呀，但我又無醬油膏，又沒有豬肉碎，不過都會試下用蠔油同牛肉碎試下，小朋友實鐘意！
回覆刪除簡單又好味道呀!撈飯一流架!
刪除呢個配麵或白飯都啱喎！
回覆刪除係呀!
刪除見到都流口水，呢個好容易做o甘~一定要試下整 ^^
回覆刪除試啦，好食架!
刪除