煎焗叉燒

叉燒，

唔一定用焗爐又或用氣炸鍋整架!

今次就用個平底鑊整咗呢碟蜜汁叉燒；

平時我鐘意買梅頸肉嚟整叉燒，

今次就用咗去皮五花腩肉，

整出嚟嘅叉燒都好淋好滑架!

用呢個方法，

可用整叉燒和金沙骨添!

材料: 五花腩肉2條、水2~3碗、老抽適量、蜜糖適量

醃料: 叉燒醬1.5湯匙、海鮮醬1湯匙、豉油半湯匙

做法: 五花腩肉洗淨後用廚紙抹乾水份，落醃料醃8小時或以上；

燒熱鑊落油，落五花腩肉略兩面後，將留在碗上的醃料加水攪勻，

倒入鑊內煮滾後轉小火炆35分鐘，其間需要反轉五花腩肉煮另一面幾次，

最後轉用中火將汁濃後，落少許老抽和蜜糖，

待涼切片後將鑊內嘅蜜汁淋面便成。

 

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page