冬菇臘腸蒸雞肉

今日係冰箱摷到1塊雞扒，

用嚟煎又或蒸都唔夠食，

好彩有小魔怪平時食開嘅小雞胸肉，

加埋幾隻冬菇和1條臘腸，

咁就蒸咗呢碟冬菇臘腸蒸雞肉喇!

材料: 雞扒1塊、小雞胸肉2條、冬菇8隻、臘腸1條、薑蓉、蔥粒

醃料: 豉油1湯匙、蠔油1湯匙、糖1茶匙、紹酒1湯匙、生粉1茶匙

做法: 雞扒和雞胸解凍後切件，落醃料和薑蓉醃30分鐘；

冬菇浸軟切絲；用熱水沖洗臘腸，切片；

將雞肉、冬菇和臘腸平舖在蒸碟內，放入熱水鑊內用中大火蒸12~15分鐘，

最後灑上蔥粒便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page