韭菜豬肉餃子

上星期煮餃子麵做午餐時，

大魔怪話街買餃子唔好食，

話我包嘅餃子先好食喎!

見佢講到出口，

今日我即刻買哂所有材料開工呀!

總共包咗63隻，

唔知食到幾多餐呢???

見到煮起嘅餃子粒粒脹卜卜，

又真係幾吸引架!

材料: 豬肉碎1斤(半肥瘦)、韭菜1扎$10、雞蛋1隻、蒜蓉適量、

水4湯匙、滾油適量、餃子皮1斤(薄)

調味: 豉油2湯匙、蠔油1湯匙、鹽1茶匙、糖1茶匙、生粉1茶匙、

麻油少許、胡椒粉適量

做法: 將豬肉碎放入大碗內，加入調味、雞蛋、水4湯匙，

攪至豬肉餡料起膠後，放入雪櫃雪1小時；

韭菜洗淨去頭切碎，瀝乾水份備用；

從雪櫃取出豬肉餡，加入韭菜和蒜蓉，贊滾油係蒜蓉和韭菜面後，

將韭菜和豬肉餡攪勻，就可以用嚟包餃子架啦!

~包好嘅餃子可以裝起放入冰箱內，咁就隨時都有得食啦!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page