唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
噚晚除咗食雜錦鍋，
我仲買咗舊鯇魚腩$42，
用咗大頭菜蒸嚟食，
大頭菜咸咸香香又爽脆，
加埋滑滑嘅魚肉，
送飯一流呀!
材料: 鯇魚腩、大頭菜適量、薑絲、蔥絲
做法: 鯇魚腩洗淨後去肚內黑膜，用廚紙索乾水份，落少許鹽醃一陣；
大頭菜浸30分鐘後切絲；將鯇魚放入蒸碟內，舖上薑絲和大頭菜絲，
放入熱水鑊內用大火蒸8~10分鐘(視乎魚嘅大小)，
取出鯇魚舖上蔥絲後，贊滾油係魚面，最後淋上蒸魚豉油便成。
如果大家覺得我煮嘅餸菜啱哂口味嘅話，不妨留個言，鼓勵下我啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!