今次惠州之旅，
弟婦攞咗條佢自己生曬嘅臘肉俾我哋食呀!
平時我都好少買臘肉嚟食，
因為怕咗佢哋肉質太硬，
但弟婦自己曬嘅臘肉，
炒完出嚟特別香軟，
攪到我都要破戒食咗幾片，
嘻嘻，
又真係幾好食架!
材料: 芥蘭苗半斤、臘肉適量、薑4片、紹酒1湯匙
調味: 豉油少許、糖1茶匙
做法: 臘肉沖洗後放入鍋內蒸10分鐘，取出切片；芥蘭苗浸洗後去花；
熱鑊落少少油先爆香臘肉和薑片，加入芥蘭快炒至芥蘭軟身，
沿鑊邊贊酒，加豉油和糖調味，落水2湯匙炒勻至汁濃便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!