豉汁涼瓜炆飛排(排骨)

炆排骨，

除咗用腩排有少少肥炆出嚟好食外，

其實飛排都好啱用嚟炆煮架!

因為呢個部位嘅排骨肉質較腍，

而且點煮都唔韌架!

可惜每隻豬只得兩塊飛排，

賣哂就冇，

所以一定要早早去街市買餸先會買到呀!

材料: 涼瓜1個(長身)、飛排$60、蒜蓉、豆豉粒、生粉水

醃料: 豉油1湯匙、糖1茶匙、生粉1茶匙、麻油少許

調味: 蠔油1湯匙、豉油半湯匙、老抽適量、鹽半茶匙、糖1茶匙、1碗水

做法: 飛排洗淨落醃料醃1小時；涼瓜去囊後切片；

燒熱水落少許鹽，灼涼瓜1分鐘左右後撈起瀝乾水份；

燒熱油鑊落飛排略煎兩面後，加調味和1.5碗水炆排骨15分鐘；

燒熱油鑊落蒜蓉豆豉爆香，落涼瓜和飛排(連炆排骨汁)快炒，

加炆排骨汁煮5~8分鐘至苦瓜腍，最後加少許生粉水埋芡汁便成。

~由於飛排肉質較腍身，所以炆煮時間較短，但如果用腩排或普通排骨，

咁炆煮時間較會較長呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page