前兩日老公買咗6個檸檬返嚟($10)，
沖咗幾日檸檬水嚟飲，
吸收維他命C和增強抵抗力呀!
我見仲有檸檬係度，
今日就拎咗大半個嚟整檸檬雞翼呀!
材料: 雞翼8隻、雞膇4隻、檸檬6片、薑5片(切絲)
調味: 蠔油2湯匙、豉油1湯匙、老抽1湯匙、紹酒1湯匙、片糖1塊
做法: 雞翼和雞膇解凍後用廚紙抹乾水份；檸檬切片後去核；
燒熱油鑊先爆香薑絲，加雞翼和雞膇略煎兩面，落調味和檸檬攪勻後，
加鍋蓋用中細火煮15分鐘後，其間需要反轉雞翼等雞翼平均上色，
最後轉大火收汁便成。
大家可以入嚟Facebook讚下我新開嘅Fans專頁呀!
正呀! 用少少汁撈飯, 咬啖雞膇肉, 爬2 口飯. 人生一樂也~
回覆刪除正呀
回覆刪除屋企都有煮這個餸。
回覆刪除好開胃啊
回覆刪除