星期日係佛誕兼母親節，
應下節整咗素腐皮卷，
一次過包咗16條，
分咗兩餐嚟食；
我食兩條素腐皮卷(點醋食)，
已經飽飽哋呀!
材料: 椰菜半個、芽菜$5、甘筍1條、蘑菇10個、金菇1包、
木耳2朵、腐皮2塊、黑胡椒碎
調味: 素蠔油1湯匙、豉油1湯匙、糖1茶匙、鹽半茶匙、
香菇粉1茶匙、生粉水適量
做法: 椰菜和甘筍切絲；芽菜沖水備用；木耳浸軟去硬蒂後切絲；
蘑菇用濕毛巾抹表面後切碎；金菇去尾切半；腐皮修硬邊對摺一開八；
燒熱油鑊先爆香蘑菇至乾身後盛起(盡量隔去蘑菇水)；
原鑊落少許油，加入椰菜、甘筍和木耳碎炒至軟身，落調味煮至菜熟，
最後加芽菜、蘑菇和黑胡椒碎炒勻後上碟，待涼後將餡料包入腐皮內，
燒熱易潔鑊落少許油，將有摺口先放入鑊煎，
用慢火煎腐皮卷至兩面金黃色便成。
~若餡料汁多嘅話，可以落少許生粉水埋芡汁。
大家可以入嚟Facebook讚下我新開嘅Fans專頁呀!
素腐皮卷好食得來, 又快炸熟(其實唔熟都唔怕), 炸LEE 樣, 我無有怕! 哈哈! 素腐皮卷萬歲!
回覆刪除個餡料已經熟，簡單煎香D腐皮就食得啦!
刪除你包得好靚呀！
回覆刪除好簡單，只要包實個餡唔漏出嚟就得。
刪除