生炒臘味糯米飯

噚晚老公係雪櫃摷咗2條臘腸出嚟，

話今日想食臘味糯米飯呀!

好彩屋企有齊糯米、冬菇和蝦米，

只需要去買盒雞湯(小)返嚟就可以開工啦!

新鮮滾熱辣生炒臘味糯米飯，

出爐啦!

材料: 糯米2.5杯、臘腸2條、冬菇7隻、蝦米仔3湯匙、清雞湯1小盒250ml、

浸蝦米100ml(視乎糯米熟透程序加落去)、炸香花生、蔥粒

調味: 老抽1.5湯匙、豉油1湯匙(可按個人口味加減)

做法: 糯米洗淨後用熱水浸水2小時(用碟蓋好)；

蒸熟臘腸、冬菇和蝦米切粒備用；

用中火燒熱易潔鑊不需落油，爆香臘腸、冬菇和蝦米後盛起；

隔去浸糯米水後，用炒過臘味嘅易潔鑊炒糯米，(全程用中火)

盡量將糯米平舖在鑊內(讓糯米平均受熱)，不斷炒至糯米乾身，

分3~4次逐少加入雞湯，加湯後蓋上鑊蓋煮糯米1分鐘左右，

重覆落湯和炒糯米至熟，如糯米未熟透，可加入浸蝦米水繼續炒至糯米熟；

加入臘味和落調味炒勻，最後灑上蔥粒和炸香花生便成。

  

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page