下火靚湯~芫茜魚片皮蛋湯

下火靚湯~芫茜魚片皮蛋湯。

買豬肉煲老火湯太貴了，

改買條魚片和皮蛋嚟滾芫茜湯，

廿零蚊左右，

經濟得嚟又好飲架!

菜粒蝦仁肉碎炒飯

留家抗疫午餐~菜粒蝦仁肉碎炒飯。

買$20梅頭豬肉有幾多???

切碎後只得一小碗，

份量少得可憐啊!

蕃茄洋蔥燴豬扒

留家抗疫晚餐~蕃茄洋蔥燴豬扒。

老公超鐘意食蕃茄，

所以今餐就煮咗呢碟蕃茄洋蔥燴豬扒喇!

我仲專登煮多少少汁用嚟撈飯，

酸酸甜甜，

好鬼正架!

節瓜鱆魚眉豆花生豬腱湯配瑤柱蜜棗

今日小魔怪在家工作，

買哂材料煲啖湯水大家飲啦!

去肉檔買舊新鮮豬腱差不多$100，

好彩我哋成家都鐘意食湯渣，

唔係就嘥哂D肉架啦!

麻辣鳳爪

哈哈，

今日又係食鳳爪呀!

話說上星期六煮咗豉油雞腳，

點知小魔怪冇返嚟食飯，

最後一隻雞腳都俾老公食埋；

佢話今晚要我煮俾佢食喎，

咁簡單要求緊係冇問題啦!

佢話要食麻辣味，

所以我加咗花椒八角辣椒乾落去一齊炆，

特別惹味呀!

豉油雞翼雞腳

留家抗疫晚餐~豉油雞翼雞腳；

摷冰箱有雞翼和雞腳，

簡單用小火慢慢浸熟雞翼雞腳，

保持雞腳唔會甩皮甩骨，

雞翼又唔會太老，

仲好滑添架!

大頭菜銅盤蒸雞

留家抗疫晚餐~大頭菜銅盤蒸雞。

今次用急凍雞扒整，

冇皮去骨兼啖啖肉，

配菜又好味，

送飯一流架!

靜靜話妳知，

我覺得配菜仲好食呀!

哈哈!

韓式小牛扒兩食

冰箱仲有1包小牛扒500g，

早一日由冰箱放落下格等溶雪，

用廚紙印乾血水後，

加咗2湯匙韓式醃肉醬嚟醃8小時，

咁就可以煎嚟食架啦!

簡單方便又快捷；

不過見雪櫃仲有半個洋蔥，

炒埋個洋蔥配小牛扒，

咁又咪又一個餸囉!

大暑~冬瓜粟米排骨薏米湯

今日大暑，

我本來都冇諗過煲冬瓜湯，

見雪櫃仲有半個西瓜，

食西瓜都可以消暑架!

但老公話想飲湯，

得得得，

開到口一定會煲湯俾你飲架!

蝦醬雞粒炒飯

買咗幾包急凍雞柳，

攞咗幾條出嚟切粒，

炒咗碟蝦醬雞粒炒飯做午餐，

簡單方便又易做，

炒唔使10分鐘就有得食啦!

麵包製作精選實習中班~第十堂

回想呢個課程由1月7日開班，

期間經過新年假期、停課、復課，

經過呢7個月，

終於係上星期二完結了；

呢堂學洋蔥方包、芝士撻和洋蔥煙肉包，

我哋有幾個同學仔都唔係咁鐘意整洋蔥方包，

亞sir就俾咗冧酒提子，

等我哋加入方包裡面，

亞sir真係有求必應呀!

氣炸豬腩仔

今日買咗2條急凍五花腩，

拿拿臨醃咗佢，

試下用個新氣炸鍋整豬腩仔先得。

新玩貝~紅心空氣炸鍋(6升)

話說我原本有嘅空氣炸鍋借咗俾姐姐用，

見佢玩得咁開心，

整咗好多好嘢俾姐夫和姨甥仔食，

我都唔好意思問佢攞返嚟用囉!

唯有搵朋友仔幫我淘個新款兼容量大嘅空氣炸鍋，

今日終於到咗啦!

順便買埋空氣炸鍋墊紙呀!

雜錦韭菜小炒皇

買咗扎韭菜花，

摷下雪櫃睇下物資有咩可以用嚟炒先得???

搵到吊片乾和蝦乾，

加埋少少街買焗腰果，

炒咗呢碟雜錦韭菜小炒皇，

一個字~正!

滷水蛋雞翼&叉燒炒蛋

前幾日係百佳買咗3盒雞蛋，

大特價1盒12隻都係$5，

買咁多蛋點食好???

簡單啦!

小魔怪每日早餐和晚餐都會食2隻烚蛋，

呢兩日就整咗叉燒炒蛋，

今日就整咗滷水蛋和雞翼，

食下食下，

36隻蛋都所剩冇幾囉!

麵包製作精選實習中班~第九堂

第九堂學整~粗麥包&中東包&水泡包(Bagel)，

亞sir真係太好人，

竟然整埋咖哩雞粒俾我哋夾中東包食，

仲分好一杯杯等我哋拎返屋企，

太貼心了!

馬來西亞肉骨茶+粉腸+雞腳

小魔怪執房搵到幾包肉骨茶包，

叫我煲肉骨茶俾佢飲，

今朝一早我就買齊材料~唐排、粉腸和雞腳，

再加個蒜頭一齊煲，

煲佢2個鐘，

好快有得飲架喇!

黑椒洋蔥雞絲炒意粉

今晚小魔怪話唔想食飯，

問有冇其他選擇喎!

唔食飯咁就食意粉啦!

黑椒洋蔥雞絲炒意粉，

啱唔啱口味呀???

韓式炆豬軟骨

屋企仲有大半樽韓國醃肉醬，

用佢嚟炆豬軟骨就最啱啦!

今次炆咗一大鍋，

食兩日應該冇問題呀!

蝦醬粉絲蒸豬肉

平時下午得我倆老食飯，

食得好簡單；

買舊有少少肥嘅梅頭肉，

加埋粉絲和蝦醬一齊蒸，

再灼碟油菜，

咁又一餐囉!

黑椒洋蔥牛柳粒

近排小魔怪日日放工就去做gym，

間中仲會去游水添!

食嘢又健康咗，

早餐食雞蛋2隻，

午晚兩餐就清蒸雞柳和白烚菜，

雖然睇落好齋咁，

但又真係好有效，

肌肉實咗兼成個人精神咗!

不過呢，

食得咁齋間中都要放鬆下，

我都會蒸魚和煮牛肉俾佢食；

今餐我整咗黑椒洋蔥牛柳粒(少汁版)，

佢食咗幾粒已經好滿足架啦!

小暑~冬瓜粟米排骨湯

今日係小暑，

中國二十四節氣之一；

夏天到了!

小暑代表天氣開始熱，

但未到最熱嘅時候；

要解解暑，

煲個利尿袪濕、健脾開胃嘅湯水飲下就最啱啦!

雪梨乾海底椰麥冬椰棗紅蘿蔔馬蹄水

天氣咁熱喉乾乾，

緊係要煲番D滋潤嘢嚟飲下啦!

每次入雲泉仙館都會買呢包保健湯包，

裡面有雪梨乾、海底椰、麥冬和椰棗，

可以加肉煲湯，

唔加肉煲甜水又得，

今次我就加咗2個紅蘿蔔和12粒馬蹄落去一齊煲喇!

其實呢D材料係中藥房都可以買到架!

雪凍甜甜哋好解渴架!

麵包製作精選實習中班~第八堂

第八堂學搓酥皮果占包&椰茸奶油球，

今次只係搓塊酥皮麻煩少少，

其餘的都好易做，

完全冇難道呀!

雲泉仙館

今日小魔怪放假，

約埋姑奶一齊去雲泉仙館去拜奶奶，

姑奶要返學，

我哋係元朗搵食兼等埋佢一齊call車入粉嶺。

上海麵家係元朗都好耐歷史囉!

青紅蘿蔔粟米螺片排骨湯

朱家例湯又嚟啦!

今日煲咗青紅蘿蔔粟米螺片排骨湯，

加咗蜜棗和南北杏，

煲2個鐘就有得飲啦!