蒜香辣菜脯

今日無無聊聊，

炒咗碗蒜香辣菜脯，

諗住俾大魔怪拎返公司加餸；

今朝煮個麵試下加少少做配菜，

嘻嘻，

一食唔停得口添，

睇怕大魔怪呢碗加餸都冇咩著落喇!

天下第一刀~蝦醬粉絲蒸豬肉

今日經過肉檔，

諗住買舊豬肉返屋企蒸嚟食，

亞姐介紹我買呢舊天下第一刀，

嘩，

個名好勁咁喎!

(食後感~正呀!)

四寶茶(土伏苓、牛大力、入地老鼠、羅漢果)

今朝經過屋苑商場，

見到有呢呢類一舊舊嘅物體賣，

土伏苓、牛大力我成日都煲，

但入地老鼠(鑽地老鼠)就第一次煲；

本來想買嚟煲湯，

但原來可以加個羅漢果煲水，

咁一於用嚟煲水飲啦!

四寶茶係超級袪濕架!

回鄉

噚日又係姑奶、老公和我一齊返惠州喇!

惠州舊長途巴士車站原來已經停止服務，

轉咗新嘅惠州市汽車南站，

第一次嚟新巴士總站，

雖然好大，

但唔知點搭車走囉!

好彩有朋友接我哋咋!

海底椰子雪梨乾甘筍麥冬椰棗水

呢包海底椰子雪梨乾甘筍麥冬椰棗湯包，

係粉嶺雲泉仙館外的小攤檔買架!

有著潤肺、養顏、滋陰、保健等功效架!

見大魔怪有幾聲咳，

潤下喉當水飲就至啱啦!

銅鑼灣~極尚大瀛喜日本料理

今日又食神架到!

約咗朋友仔3個人一齊去食日式放題，

揀咗去銅鑼灣~極尚大瀛喜日本料理，

地址係銅鑼灣廣場二期11樓，

午市放題原價$218加一，

依家做緊優惠$188加一，

每人平均$207，

都算抵食架啦!

沙薑雞腳

平時我好鐘意上網睇番Annie師傅煮餸架!

有次佢整沙薑雞翼和火雞腎時，

見用加咗乾嘅沙薑粒整呢個小食，

材料純天然又幾好喎!

一於照跟，

不過我唔整雞翼住，

我整沙薑雞腳呀!

韓式海鮮煎餅

之前係街市買咗1份椰菜(2個)返屋企，

切咗半嚟包素春卷外，

今日用椰菜整咗韓式海鮮煎餅喇!

呢排我咁較鐘意整韓式小食，

因為勁想去韓國玩囉!

期待明年3個月釜山之旅!

素春卷

呢個週末，

整咗韓式雜菜炒薯粉絲外，

我仲炸咗碟素春卷添架!

雖然又要切又要炒料，

仲要嘥時間去慢慢包，

包完又要攞去炸，

都用咗幾多時間架!

但見到大小魔怪兩個人食到LamLam脷嘅時候，

抵番哂啦!

素食~韓式雜菜炒薯粉絲

呢兩日我都好勤力架!

整咗兩款素菜俾大魔怪食，

噚日煮咗個韓式雜菜炒薯粉絲(素食版)；

咁今日煮咩???

留番明日開估啦!

馬來西亞肉骨茶+粉腸

今日獻出我人生嘅第一次，

就係洗粉腸喇!

平時出街就食得多，

但要自己一手一腳整呢，

唔講得笑真係有D怕怕架!

點解要買粉腸嚟食呢???

因為小魔怪囉，

佢話係馬來西亞食肉骨茶，

一定要有粉腸先好食喎!

生炒臘味糯米飯

秋風起，

食臘味，

又係整朱家生炒糯米飯嘅時候喇!

今次特別足料，

啖啖飯都充滿臘味香味呀!

又嚟blog聚~紅磡都會海逸酒店自助午餐

襯T&P仲未返澳洲，

大家又約埋一齊食下嘢傾下計啦!

今次揀咗嚟紅磡都會海逸酒店自助午餐，

用匯豐咭找數和係openrice度print張coupon出嚟，

就有85折喇!

埋單平均每人$311.6呀!

P.S榴槤pancake唔係我食架，

不過裡面超多榴槤肉，

好大陣味囉!

焗蕃薯

今日行街市，

見到12蚊有3磅蕃薯，

仲要係裡面靚靚蛋黃色的黃蕃薯，

揀咗7個蕃薯都係收我14蚊，

好抵食呀!

我覺得呢種蕃薯味道特別甜，

做法好簡單，

洗淨外皮後，

放入焗爐用200度焗45分鐘，

中途反轉一次就得啦!

睇下，

焗好嘅蕃薯D糖份走哂出嚟，

就知呢個蕃薯幾咁甜啦!

麻辣蓮藕炒腩片

今日又係食麻辣餸~麻辣蓮藕炒腩片，

呢個餸真係幾惹味，

尤其金菇索哂D汁，

送飯一流架，

緊係唔少得要添飯啦!

麻辣口水雞

噚日用嚟拜山隻雞今晚先食，

如果翻蒸隻雞肉會比較"鞋"口，

所以用咗一個好簡單嘅方法，

就係先燒熱水熄火，

將雞放入鑊內焗3~5分鐘，

咁雞肉就唔會咁"鞋"口；

今次將雞肉去埋骨，

淋上自家調製嘅麻辣汁，

美味麻辣口水雞就完成喇!

登高&元朗成記

今日天氣好宜登高

雖然曬就曬咗D，

但清風送爽，

好舒服啊!

拜山後，

我同老公落咗元朗搵食，

我帶佢去食地道大排檔~成記。

(交通廣場對面冬菇亭)

自製瑞士雞翼

今日整瑞士雞翼，

一次過煮咗1.5磅雞翼(中翼加翼尖)，

以為會食唔哂啦(3人份量)!

點知一樣清得哂，

勁呀!

西洋菜咸鴨腎甘筍豬骨湯+南北杏、蜜棗、陳皮

噚日買咗8隻鴨腎，

今日即刻攞4隻嚟煲西洋菜湯，

呢個湯係我和小魔怪至愛湯水之一，

今朝小魔怪都飲咗2碗湯先返廣州做嘢呀!

煲咗一大煲，

留番D明天飲仲正呀!

粉嶺雲泉仙館&天水圍海南小廚

臨近重陽，

襯平日雲泉仙館應該會冇咩人，

所以今日老公、小魔怪和我就齊齊去拜奶奶喇!

由上水出發，

搭79K巴士去雲泉仙館；

去到真係冇咩人，

連後門擺賣嘅攤檔都係開咗一間咋!

好彩我哋都有買到嘢!

韓式泡菜煎餅

屋企有盒泡菜，

用嚟整韓式煎餅就最啱喇!

簡單易整又好味道，

15分鐘內可以趕得切係小魔怪返工前整俾佢食呀!

海景咖啡廊~蟹之盛宴自助晚餐

噚晚約咗blog友食自助餐，

嚟咗海景嘉福酒店M層海景咖啡廊，

主題係~蟹之盛宴，

自助晚餐時間6:30~10:00，

原價$615另加一，

係openrice print要優惠就有75折，

而用匯豐、中銀咭就有8折呀!

今次我嘅食力麻麻，

食唔夠1個鐘就投降了!

廚餘~炒筍絲雜錦

噚日整素酸辣湯，

用剩咗一堆食材，

食得唔好嘥，

用嚟整炒雜錦就最啱啦!

素酸辣湯

今日煮素酸辣湯，

大部份材料屋企都有，

不過就專登買咗包竹筍返嚟，

感覺冇筍絲唔似食緊酸辣湯囉!

順便煮咗幾隻素餃子俾大魔怪配素酸辣湯；

哈哈，

大魔怪好攪笑，

佢話齋睇樣，

素酸辣湯似碗仔翅多D囉!

沙爹薯仔洋蔥炆雞

我買餸最隨意，

見到剩市有咩新鮮和靚嘅材料，

就會買番屋企做餸架喇!

今日見雞靚，

咁就買隻雞返屋企，

最緊要叫亞姐幫我斬埋隻雞，

咁我就慳番一層功夫啦!

魚香茄子煲

今日買嘅茄子好抵食，

12蚊有2扎茄子共4條，

用咗2條整魚香茄子煲，

其餘2條整咩好呢???

粉葛赤小豆扁豆花豆粟米紅蘿蔔豬骨湯

今日煲粉葛赤小豆扁豆花豆粟米紅蘿蔔豬骨湯，

呢個湯有清熱、袪骨火、袪濕、利尿等功效架!

唔講唔知，

粉葛加埋土伏苓落去一齊煲湯，

原來可以有效舒緩濕疹，

下次我都要買舊土伏苓番嚟煲先得!

今日百佳買新鮮豬骨好鬼抵，

$50有2磅，

用嚟煲呢個湯就最啱喇!

魚露煎雞翼

雪櫃有幾隻大雞翼，

用嚟整開邊魚露雞翼就最啱啦!

小魔怪問點解整咗咁多雞翼???

我話唔多得10隻咋喎!

佢話咁抵食，

以後次次都要咁整雞翼喎!

不過最緊要係要買到大隻雞翼先可以做得囉!

姨甥生日會

姨甥仔亞諾唔經唔覺已經廿歲喇!

每年十月一號公眾假期，

我哋都會齊齊聚一聚，

幫佢慶生呀!

徇眾要求，

我整咗咖哩豬皮蘿蔔魚蛋做小食，

加埋其他食物，

擺滿成張枱呀!