鮑汁螺片炆鴨腳(西生菜)

今次想獨食，

點知又失敗咗添呀!

本來諗住炆餐鴨腳嚟慢慢嘆，

點知小魔怪突然返咗嚟食晚飯，

仲彈呢幾咗句:

做咩今晚咁豐富有鴨腳食呀???

唔該唔好食哂，

我要添飯呀!

材料: 鴨腳10隻、 鮑汁螺片1罐、西生菜半個、薑片、紹酒、粟粉水

調味: 鮑螺片汁、蠔油1湯匙、豉油半湯匙、老抽半湯匙、糖1茶匙和2碗水

做法: 鴨腳用薑和紹酒出水備用；倒起鮑螺片，鮑汁留用做調味；

燒熱油鑊爆香薑片，落鴨腳和調味煮滾後，用慢火炆1小時左右；

用鹽油水灼熟西生菜後上碟備用；

將螺片加入鴨腳內炆至翻滾後，將鴨腳和螺片舖在西生菜面，

最後用粟粉水埋獻至汁濃，將汁淋在鴨腳面便成。

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page