鮮魚湯浸勝瓜魚肚肉碎草菇湯飯

今日又係食湯飯，

鮮魚湯浸勝瓜魚肚肉碎草菇湯飯!

專登去街市買咗一份紅衫魚魚毛嚟餚湯底，

好鮮甜呀!

點樣滾到D魚湯奶白色???

就係煎完魚後，

即刻撞大滾水落鑊用大火滾湯，

咁D魚湯就會變奶白色架啦!

材料: 紅衫魚10條(細)、勝瓜2條、魚肚2條、豬肉碎半碗、

雲耳適量、杞子少許、甘筍半條、薑片2片

做法: 紅衫魚洗淨用廚紙抹乾，用少許鹽和胡椒粉醃半日；

豬肉碎用豉油、糖、粟粉、麻油和水略醃；甘筍切片；

魚肚用水浸軟後，用薑出水15分鐘後切件；雲耳浸軟去蒂；

草菇用濕布抹乾淨切半後，用薑和紹酒出水；絲瓜去皮滾刀切大件備用；

燒熱油鑊加薑片煎紅衫魚兩面後，加入大熱水滾20分鐘；

將魚湯隔渣轉細鍋，加豬肉碎、雲耳、魚肚、草菇、甘筍和杞子滾10分鐘，

加入勝瓜煮至翻滾3分鐘後熄火，自行加鹽調味便成。

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page