今朝剁剁剁唔停，
全因好想食手剁豬肉餅!
土魷冬菇蒸肉餅，
係父親大人鐘意食嘅餸菜之一，
在天上的父親大人，
7年了，
依然懷念你啊!
醃料: 豉油1湯匙、鹽半茶匙、糖1茶匙、粟粉1茶匙、
麻油和生油少許、水2湯匙
做法: 魷魚乾和冬菇浸軟；梅頭豬肉洗淨切片再切粒，
加入5隻魷魚(切粒)剁成肉餅，放入大碗中撻豬肉7~8次，
將冬菇和3隻魷魚切粒，加入剁好的豬肉餅內，用醃料醃30分鐘；
燒熱水加肉餅用大火蒸10~12分鐘，最後加蔥絲便成。
~土魷冬菇蒸肉餅，可以加幾粒馬蹄增加爽口感覺。
~肉餅汁係精華，千祈唔好倒掉，只要蒸好肉餅待一陣，
肉餅係會吸收番自己的肉汁架!
大家可以入嚟Facebook讚下我新開嘅Fans專頁呀!
肉餅汁不是倒汗水來? 因為成日覺得蒸氣回返到個碟
回覆刪除蒸肉餅係會出水架，如果倒咗D肉汁，咁個肉餅會乾架!如果驚有倒汗水的話，用個大碟或微波爐保鮮包住蒸囉!
刪除請問識唔識整炒薑絲雞？
回覆刪除呢個餸菜好特別，我未試過煮呀!
刪除土魷肉餅係袁生至愛 , 亦都係我地今晚的晚餐小菜呢 ^^
回覆刪除係，咁袁生要食多D啦!
刪除呢個餸我都鍾意啊.
回覆刪除我鐘意土魷嘅香味呀!
刪除自己挆係唔同D~~
回覆刪除自己剁，充滿誠意和愛心呀!
刪除真巧，我昨晚又系整剁肉饼，不过系牛肉饼。
回覆刪除我好耐冇食過牛肉餅，搵日又整嚟食先得!
刪除有感情分的餸，值得比多D讚！
回覆刪除唔經唔覺，父親大人離開我哋7年啦!
刪除你做咗魔法王?? 魷魚乾8隻,5隻魷魚(切咗粒),仲邊有4隻魷魚切粒呢??
回覆刪除哈，我咁大頭蝦，等我改番先得啦!
刪除呢個係我嘅家常餸！
回覆刪除呢個餸好味道呀!
刪除肉餅好送飯~呢個我唔客氣呢~!
回覆刪除快D過嚟食啦!
刪除呢個餸早兩日食遏，好送飯。
回覆刪除Yummy yummy!
刪除