粗粗哋~南乳炆粗齋

 

買咗一大樽南乳過年用，

 

南乳就用得七七八八喇，

 

但剩咗半樽南乳汁，

 

唔要好似好嘥咁，

 

惟有諗諗計用咗佢先得，

 

咁就粗粗哋煮個南乳炆粗齋啦!

 

粉絲索哂D汁，

 

煮多多都唔夠我食呀!

 

 

 

 

材料: 長紹菜、冬菇、雲耳、豆腐卜、支竹、粉絲、薑2片、鹽少許

 

調味: 南乳汁2湯匙、素蠔油2湯匙、老抽1湯匙、糖1茶匙、3碗水

 

做法: 紹菜切件洗淨；冬菇、雲耳浸軟去蒂，冬菇切片；豆腐卜切半；

 

支竹浸軟；粉絲浸軟；燒熱油鑊爆香薑片和南乳汁，

 

加入紹菜、支竹、冬菇、雲耳和豆腐卜炒勻，落調味煮至菜腍，

最後加粉絲和鹽調味撈勻便成。

 

 

     

 

 

 

 大家可以入嚟Facebook讚下我新開嘅Fans專頁呀!

 

 

 雀后(添飯)Facebook Fan Page