雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2015年4月15日星期三

燒味雙拼~蜜汁豬頸肉&雞翼

間中執下凍箱，

有時都會有大發現架!

咁都俾我摷到有豬頸肉和雞翼，

嘻!

又唔使買餸囉!

材料: 豬頸肉2塊、雞翼10隻、蜜糖1湯匙

醃料: 叉燒醬2.5湯匙、海鮮醬1湯匙、老抽半茶匙、蜜糖1湯匙、紹酒少許

做法: 將豬頸肉和雞翼解凍後，用廚紙抹乾水份，加醃料醃隔夜；

預熱焗爐200度15分鐘(上火)，將豬頸肉和雞翼放入焗盆內，

用上火焗20分鐘後，反轉焗另一面15分鐘，

取出豬頸肉和雞翼搽蜜糖焗多5分鐘，取出切片後，

加入焗盆內的蜜汁係豬頸肉面便成。