今次又整咗椰奶芋頭雞俾佢嘆下；
佢見到不知幾開心，
仲問: 媽咪，點解妳對我咁好嘅???
仔亞仔，
一個係我心肝，
一個係我命椗，
唔錫你哋錫邊個呀!
材料: 芋頭1斤、雞扒2塊、甘筍8片、鮮奶150g、椰汁200g、
鹽、薑片、蒜蓉和蔥花
醃料: 豉油1湯匙、糖1茶匙、粟粉1茶匙、麻油少許
做法: 雞扒去皮切件，用醃料醃1小時；
芋頭切件後，落油鑊煎至兩面金黃備用；
凍油落LC22cm鍋內，加入薑片、蒜蓉爆香，
落雞扒煎煎兩面後，加入鮮奶150g、椰汁100g、甘筍片和芋頭，
炆10分鐘或至芋頭腍，將餘下椰汁100g加入煲內攪勻，
最後落鹽調味和用1茶匙粟粉加水埋茨，加蔥花裝飾便成。
大家可以入嚟Facebook讚下我新開嘅Fans專頁呀!
心肝同命掟嘅地位好重要噃。
回覆刪除嘻嘻，心肝命椗喎，緊係重要啦!
刪除咁識講嘢，媽咪再煮乜都得！
回覆刪除都唔係，有時佢都話我煮得求其架!@@"
刪除" 媽咪，點解妳對我咁好嘅??? " 呵呵好冧啊 !
回覆刪除哈哈，都有少少開心架!
刪除冬天吃芋頭特別正
回覆刪除今次買嘅芋頭好粉，炆一陣已經腍哂啦!
刪除仔仔真係甜
回覆刪除佢好少會讚我架!
刪除呢個餸啱晒冷天食！
回覆刪除冬天芋頭好靚好粉呀!
刪除啲芋頭最好食
回覆刪除小魔怪最鐘意食芋頭架!
刪除D芋頭最搶手.
回覆刪除係囉，下次要買2斤芋頭先夠食呀!
刪除母子都甜到入心!
回覆刪除嘻嘻，佢咁口乖，我都幾開心架!
刪除聽阿仔咁講，真係心都甜呀~~~
回覆刪除係呀，佢把口好少會咁甜架!
刪除兩個心肝命椗要到梗要整比佢地食喇!
回覆刪除仔女永遠係父母心目中嘅心肝命椗!
刪除呢個仔咁口乖， 好抵錫。
回覆刪除佢把口真係好少會咁甜架!
刪除芋頭同椰奶我都愛呀,不過可惜我家大爺袁生唔喜愛呢,等我下次番娘家叫媽咪整俾我食先 ^v^,
回覆刪除一於搵媽咪整俾妳食啦!^.^
刪除想問你依個LC係咩款黎架,睇唔清楚呢?,,,見你成日用...謝謝....
回覆刪除我有2個LC煲，一個24cm,一個22cm,兩個都係圓形架!
刪除不嬲都係世上只有媽媽好架啦~!
回覆刪除媽媽真偉大!
刪除你仔仔講野好冧呀! 呢餐唔洗食甜品都夠甜~
回覆刪除甜到入心呀!
刪除