自製南瓜素湯配烤麵包粒

 

我哋有肉骨茶飲，

 

咁大魔怪飲咩呢???

 

所以整咗個南瓜素湯俾佢，

 

慳慳哋將麵包切粒粒兼焗得燶燶哋，

 

配埋一齊食又幾正喎!

 

 

材料: 南瓜1斤、薯仔一個、洋蔥半個、牛油25g、700ml水、

200ml鮮奶、鹽適量、parsley碎少許、麵包半片

做法: 南瓜和薯仔洗淨後去皮去籽及切粒；洋蔥去皮切碎；

燒熱易潔鑊，落牛油爆香南瓜粒、薯仔粒和洋蔥，

加入清水煮至南瓜和薯仔軟身，熄火置涼後，倒入攪拌機內攪拌成泥，

將南瓜湯放回鍋內，加入叮熱嘅鮮奶慢火煮至翻滾，

最後落鹽調味攪勻，麵包切粒放入焗爐焗至乾身及少少焦，

配埋灑上parsley碎的南瓜湯， 開飯啦!

(唔食素嘅朋友，水可以換成清雞湯、鮮奶可以換成忌廉。)

 
 

 

大家可以入嚟Facebook讚下我新開嘅Fans專頁呀!

 

 雀后(添飯)Facebook Fan Page