心肝有好嘢食，
咁命椗都要好好照顧架!
星期六、日，
大魔怪最多時間留係屋企食飯，
平日都係街外食，
佢食素有咩好食???
佢話多數係麥記食蘋果批薯條，
陰公囉，
邊有營養架!
材料: 蓮藕1節、栗子大半包、薑片、粟粉1茶匙
調味: 素食蠔油2湯匙、豉油1湯匙、老抽半湯匙、糖2茶匙
做法: 蓮藕去皮切片；栗子去皮備用；落少許油熱燒鑊爆香薑片，
加入蓮藕快炒，落調味和2碗半水煮滾後，轉中慢火先炆45分鐘，
加栗子再炆多25分鐘，加少許粟粉水埋茨汁便成。
大家可以入嚟Facebook讚下我新開嘅Fans專頁呀!
飯堂茶餐廳都有素食，例如炒飯可以叫佢地走肉架，淨食著條點得架，聽見都心疼呀。
回覆刪除佢話有次揀冇可揀，叫碗叉燒飯，佢剩係食條菜和飯咋!
刪除哩兩樣我都中意食，下次試下先~~
回覆刪除試啦，幾好味架!
刪除呢款素食菜色唔錯, 明天一於照跟. 謝謝!
回覆刪除呢個餸，簡簡單單冇花巧呀!
刪除衹吃 < 蘋果批薯條 > 邊夠飽0架 , 由其青少年添 , 長期食咁少嘢好容易營養不良的 , 不如帶飯盒喇 ,
回覆刪除佢返學時間日日都唔同又遠，好難帶飯架!
刪除網上有人post過各區素食餐廳/小食店名單，好多素食者話有用。蘋果批薯條呢啲唔可當正餐呢。
回覆刪除等我上網摷摷先得，唔該哂!
刪除大魔怪現在住宿舍嗎? 飯堂應該點都有一兩味是素的, 不能常吃麥當奴炸野呀!
回覆刪除佢冇住宿舍呀!日日都會返屋企；至於食堂好似有素菜，不過佢話油多，唔啱食呀!
刪除Good Good Good ! 蓮藕同粟子都係我至愛！
回覆刪除妳都試下炆嚟食啦!
刪除兩樣也是我至愛
回覆刪除Me too!
刪除雀后：大仔茹素基本是好的，但一定要營養匀衡，才不會影响身体健康（尤其是要注意B12 的吸收，那是身体對鐡質的需求），這是母親要重視的事情，您要極為他打算飲食的匀衡，不要弄跨宝貴兒子的健康生命。
回覆刪除知道，所以我會買定好多素食材料，佢一返嚟就整俾佢食，免得佢出街冇啖好食呀!
刪除聽到都心痛,點可以日日食蘋果批,薯條架!
回覆刪除係囉，攪到我都唔開心呀!
刪除好味！非素食都啱呀！
回覆刪除係呀，冇肉都可以好好味道呀！
刪除your son can consider packing sandwiches. For example, sandwiches can be cheese, lettuce, tomato, mushrooms, grilled eggplant, avocado, eggs. Or he can eat yoghurt, banana, oatmeal bars, cereals, apples for snack. As for vitamin B12, he needs to take suppléments (pills). It is difficult to get enough B12 from a vegetarian diet. I was a vegetarian during 10+ years, but now, i eat everything.
回覆刪除我屋企長備麵包、芝士、牛奶、蛋、豆腐、菜等等食材，等佢鐘意食邊樣就煮俾佢食呀!
刪除大仔在家住還是住宿舍？
回覆刪除佢係屋企住，不過返學放晏，好少係屋企食飯呀!
刪除