噚晚睡姿瞓得唔好，
攪到今朝起身瞓厲頸，
痛到吖!
唔知今日煲嘅三文魚頭湯，
可唔可以補頭呢?
哈哈!
材料: 三文魚頭1個、蕃茄3個(大)、薯仔2個、紅蘿蔔2個和薑片
醃料: 鹽和胡椒粉
做法: 三文魚頭解凍，開邊後用醃料醃一陣；
蕃茄、薯仔和紅蘿蔔切件；凍油(少少)落在LC24cm湯煲內，
爆香蕃茄至出茄油後，加薯仔和紅蘿蔔和熱水放入煲至翻滾；
同時燒熱鑊爆香薑片落三文魚頭煎煎兩面後，
把三文魚放入煲內煲1個半小時，加鹽調味便成。
(個三文魚頭點胡椒粉豉油係超好食架!)
大家可以入嚟Facebook讚下我新開嘅Fans專頁呀!
呢個湯好有營養喎！
回覆刪除呢個湯，我好鐘意飲架!
刪除呢個我時時煲架，好味。
回覆刪除依家D三文魚頭都幾平，合乎經濟原則呀!
刪除我始終覺得三文魚太多油.......
回覆刪除我又唔覺好多油喎!
刪除魚頭太大個食唔晒，我用三文魚骨煲咋，襯熱飲好味啲!
回覆刪除我哋好鐘意食魚頭，大大個都食得哂呀!
刪除不過睇妳嗰煲湯又好似冇乜油咁喎！
回覆刪除我都覺得唔係好油呀!
刪除又有營養又好味!
回覆刪除我好鐘意飲呢個湯架!
刪除三文魚唔補頭都補你腦啦！有Omega3 嘛，哈！而家好D 未冇？
回覆刪除條頸仲有少少痛呀!
刪除哈哈, 要食埋豬頸肉先可以補返條頸!!! Take care!!
回覆刪除係喎，等我聽日買豬頸肉食先得!
刪除三文魚頭湯我都成日煲， 鍾意食， 咩都唔腥。
回覆刪除我都鐘意飲呢個湯，超好飲呀!
刪除呢個湯我都有煲架
回覆刪除快靚正呀!
刪除想問...我蒸三文魚頭有好多油.......咁點煲啲湯會冇油?
回覆刪除如果妳煎完魚頭後直接贊水落鑊，咁就會有好多油架，我用另一個煲加水預先滾蕃茄薯仔紅蘿蔔，將煎好魚頭即刻落滾湯度，咁就唔會連煎魚油一齊落湯度架啦!再唔想咁多油，飲前片起湯上嘅油，今次我冇片，因為油真係唔係好多呀!
刪除唔該晒, 我想煲呢个湯好耐, 但驚好多油冇煲!
刪除呢個湯好好飲，妳都試下煲啦!
刪除